#263: تأتي الرياح بما تشتهي السفن
غالبًا، اللي بنتمناه بيحصل، بشكلٍ ما...
اللقطة بقى بتكون في إدراكنا عن إزاي اللي بنتمناه بيحصل. مش دايمًا بتكون زي الأفلام، ولا ابدًا زي اللي حصل مع سندريلا.. لكنها بتاخد وقت وشكل مختلف وأعمق وأكثر حقيقية من تخيلاتنا..
يعني، لما بنتمنى حاجة وندعي كتير انها تحصل، هي ممكن تحصل بعد لحظة التمني دي بسنين.. وممكن يحصل اننا نتمنى شيء ويتحقق في وقت قريب، لكن إدراكنا لإنه اتحقق هو اللي ياخد سنين.. لأن الأحلى من اللي بنتمناه، هو إدراكنا لإزاي ربنا بيحققه لينا..
يمكن كل تغيير بنتغيره، احنا شخصيًا مش بنكون حاسيين بيه، لأننا عيشنا فترة التغير نفسها، فااعتدنا عليه .. زي اللي بيخس، مش بيلاحظ انه هو خس، لكن اللي حواليه واللي بقالهم فترة مش بيشفوه هم اللي بيلاحظوا..
ده لا ينفي التغيرات الجذرية اللحظية .. وهنا، أنا عندي اعتقاد عنها، وهو إنها مش طبيعية أو دايمة، بمعنى انه هييجي بعدها بوقت قليل كدة تغيير جذري تاني.. لكن ده اعتقادي أنا الشخصي، اللي حتى مش نابع من تجربة واقعية! 😀
كل حاجة حصلت في حياتي، هي حصلت علشان توصلني للي أنا فيه دلوقتي.. وكل حاجة بتحصل دلوقتي هي بتحصل عشان توصلني اللي أنا عايزاه ومحتاجة أوصله كمان شوية .. وعندي يقين إن فيه حاجة حلوة اتمنتها وكل شوية بتمناها هتحصل .. قربت .. بس هي كانت محتاجة الوقت ده كله والأحداث دي كلها، علشان هي تحصل بالشكل السلس اللي هتحصل بيه.. أنا متأكدة!
يعني، لما بنتمنى حاجة وندعي كتير انها تحصل، هي ممكن تحصل بعد لحظة التمني دي بسنين.. وممكن يحصل اننا نتمنى شيء ويتحقق في وقت قريب، لكن إدراكنا لإنه اتحقق هو اللي ياخد سنين.. لأن الأحلى من اللي بنتمناه، هو إدراكنا لإزاي ربنا بيحققه لينا..
يمكن كل تغيير بنتغيره، احنا شخصيًا مش بنكون حاسيين بيه، لأننا عيشنا فترة التغير نفسها، فااعتدنا عليه .. زي اللي بيخس، مش بيلاحظ انه هو خس، لكن اللي حواليه واللي بقالهم فترة مش بيشفوه هم اللي بيلاحظوا..
ده لا ينفي التغيرات الجذرية اللحظية .. وهنا، أنا عندي اعتقاد عنها، وهو إنها مش طبيعية أو دايمة، بمعنى انه هييجي بعدها بوقت قليل كدة تغيير جذري تاني.. لكن ده اعتقادي أنا الشخصي، اللي حتى مش نابع من تجربة واقعية! 😀
كل حاجة حصلت في حياتي، هي حصلت علشان توصلني للي أنا فيه دلوقتي.. وكل حاجة بتحصل دلوقتي هي بتحصل عشان توصلني اللي أنا عايزاه ومحتاجة أوصله كمان شوية .. وعندي يقين إن فيه حاجة حلوة اتمنتها وكل شوية بتمناها هتحصل .. قربت .. بس هي كانت محتاجة الوقت ده كله والأحداث دي كلها، علشان هي تحصل بالشكل السلس اللي هتحصل بيه.. أنا متأكدة!
“You can only connect the dots looking backwards.” - Steve Jobs
Comments