Daydreams...

وليكن عزائي الوحيد حين أتذكرك وأشتاق إليك هو أنني قد أحببتُكَ حقًا، وتمنيتُ أن تظل طُرقنا تتلاقى لفتراتٍ أطول. وحينما يحدثُني شخصٌ غريبٌ عنك، فأقول له: "نعم، لقد أحببته كثيرًا.."

ساعات بنسكت علشان السكات أفضل من الكلام المتعاد .. ساعات بنسكت علشان بنخاف نتكلم ما نتسمعش .. وساعات بنسكت علشان مابنلاقيش كلام يكفي تعبير عن الإحساس اللي جوانا .. مهما كان اللي جوانا كتير، بيكون بردو أكتر من الكلمات اللي ممكن نقولها .. ساعتها بنقول كلام، بس أي كلام .. كلام إحنا مش حاسينه.. بنقوله عشان بس نبقى اتكلمنا .. وبنبقى اتكلمنا ولا كأننا اتكلمنا .. وساعات بنقول كلام نستغربه على مسامعنا .. أنا إزاي قولت كدة؟! ايه الجملة اللي طلعت مني دي؟! إزاي أنا جوايا الكلام ده؟! واس تغرابنا ده بيحيرنا.. هو ده حقيقي جوانا؟ ولا ده كلام حافظينه وبنقوله؟ ولا ده الكلام الحلو اللي لو قلناه هننبسط بإعجاب الناس بيه وبينا؟! .. وساعات بنزهق من كتر الكلام.. الكلام اللي هو كلام وبس.. كلام مابيتحققش.. كلام متعاد.. وهيفضل يتعاد.. كلام لا بيودي ولا بيجيب .. وساعات مهما بنتكلم بيفضل جوانا كلام ناقص ماتقالش .. بنقول ساعتها كلام مابيشبعش.. كلام بيعطش زيادة.. تخلص منه تلاقيك لسة عايز تتكلم تاني.. لسة ماقولتش كل اللي جواك .. مع انك قلت كتير .. بس يمكن لسة جواك أكتر .. هو طيب اللي جوايا ده مش هيخلص؟! اتكلموا