#246: خواطر كوباية

"ايه ده!!! ايه اللي جابني هنا؟! هم إزاي أصلًا سايبيني هنا؟! هم مش واخدين بالهم؟!
هممم ... طولوا قوي المرة دي، وعمالين رايحين جايين حواليا وماحدش واخد باله مني! طب أعمل ايه؟! مافيش حاجة في ايدي أعملها!! .. طيب بالراحة كدة، اهدي بس شوية، اهدي واصبري، وحد أكيد هياخد باله وهيشيلني من هنا ... طيب والمايه اللي أنا شايلاها ده؟! كل دي مايه؟! يعني كمان مالييني على الأخر وسايبيني واقفة على آخر الطرابيزة كدة! .. براحة قولنا!! .. مافيش داعي للقلق ... عارفة، لو كنتي هتقعي كان ممكن تقعي من زمان، بس انتي دلوقتي ماوقعتيش ف ماتسرحيش بخيالك بقى وتتصوري حاجات مش حاصلة ..
(بتبص لتحت) ..
ياخرااابي، هي الطرابيزة دي عالية قوي ولا أنا بيتهيألي!! هم مش عارفين إني إزاز ولو وقعت هاتكسر ومش هارجع تاني ابدًا زي ما كنت زمان!! طب هم مش واخدين بالهم إني لو وقعت واتكسرت هاعورهم بإزازي المكسر! وكمان هاغرق الدنيا بالمايه دي كلها اللي أنا شايلاها ..
(بتبص حواليها) ..
ايه ده! ده مافيش حد هنا خالص! ايه الهدوء ده؟!! شكلهم نزلوا وماحدش في البيت .. همم.. طيب ما ده كدة معناه انه ماحدش هيخبط فيا بالغلط ويوقعني! طيب .....
الله حلو قوي الكرسي اللي هناك ده.. أول مرة أشوفه! غالبًا عشان ماكنتش باجي عند الناحية دي من الطرابيزة قبل كدة .. الكرسي لونه حلو فعلًا، أبيض ومرسوم عليه ورد روز وأخضر .. الله .. أنا نفسي أشوف ورد حقيقي.. كل الورد اللي بشوفه بيكون مرسوم على الكوبيات التانية.. هو أنا ليه مش مرسوم عليا ورد ملون.. بس أنا إزازي لونه شفاف ودي ميزته، لأنه بيخليني أبين للناس أي حاجة أنا شايلاها جوايا .. زي ما هو دلوقتي كدة باين إني شايلة مايه .. أنا بحب المايه قوي.. يعني بحسها كدة صافية زيي.. هي مالهاش لون زي ما أنا كمان ماليش لون وباخد لون الحاجة اللي جوايا ...
الله .. ده فيه مج هناك كمان على الطرابيزة اللي جنب الكرسي .. بس شكله نايم .. أنا هنادي عليه وأصحيه عشان يتكلم معايا شوية بدل ما أنا قاعدة قلقانة كدة ... "
— خواطر كوباية واقفة على حافة الطرابيزة!

تفتكروا الكوباية هتقول للمج ايه؟!

Comments

Post a Comment

Popular posts from this blog

#239 - عن حُبي لَكَ

لا   أَجِد   كلمات   توافي   حق   التعبير   عما   أُكِنَهُ   لك   من   حب؛   حب   خالص   من   التَوْقُعَات   والأفعال   المُتَعمدَة،   حب   بَريء   من   الأسباب   والأفكار،   حب   لا   يُفسَّر  ولا   يحتاج   إلى   دفاع .  هو   حب   تَعْلَمَهُ   أنتَ   جيدًا،   دون   الحاجة   إلى   تأكيد   وجوده.  هو   حب   لا   تنتظره أنت،   ولن   تُريد   أن   تَستنفِع   منه،   لأنك   تثق   في   أحقيتك   له،   وفي   ذَاتَ   الوقت   تَعْلَمُ   أنك   في   غِنى   عنه .  هو   حب   لن   أترددُ   أبدًا   عن   البوح   به،   ولكني   لن   أُضطِرَ   لذلك،   فعينايَ   صارت   تَبوحُ   دون   استأذاني .  هو   حب   لن ...
Read more

#181: What's wrong with you people?

I need to scream "What's wrong with you people??" Why is it that everyone is so immersed in their own lives and their own problems that they can't even think what others may be feeling or even thinking? Why is it that life has become so tough on everyone that no one now has the time to communicate properly with the people around them, even the closest to them, their family and their friends. I bet anyone can now recall one true and real friend. A friend who has been always there, in the good and in the bad. A friend who gives as much as he takes. I'm talking here about a profound, true, and healthy friendship. A friendship that could last forever. We've lost a lot of values and a lot of principles along the way.  People no longer care for those little things that make life a better, more beautiful place. Those little words and acts of kindness and compassion. I miss such a wonderful world, that deep down I do believe it still exists.
Read more

#260: الخوف بيوجه للطمأنينة

"الخوف بيوجه للطمأنينة" .. الكلمة دي سمعتها امبارح في خلال أحد النقاشات مع أحد الأصدقاء : ) .. ولفتت انتباهي جدًا، لذلك، قررت إنها تبقى مدخل كلامي النهاردة، اللي أنا لسة مش متأكدة قوي هاقول فيه ايه! الخوف .. الخوف هو أكتر شعور بيرافقني في حياتي .. ساعات باسيبه قاعد جنبي، لكن في معظم الوقت كدة باعمل نفسي مش شايفاه لحد ما يزن عليا ويقعد يزن في ودني ويقولي "أنا مرعوبة"! ولو فضلت أوصف في شكل الخوف، مش هاخلص، ومش ده اللي حابة أعمله دلوقتي! لكن الحقيقة، ومؤخرًا جدًا بس (يعني من بس كام شهر كدة)، بقيت كل ما أخاف وأدخل أدعبس جوايا، ألاقي إني أصلًا وبجد مطمنة ... شعوري بالإطمئنان أكبر من شعوري بالخوف ... بس لسة بخاف.. ففهمت بقى إن الخوف ده ما هو إلا جرس إنذار كدة جاي يقولي: "ارجعي اطمني! ارجعي شوفي الأساس الحقيقي اللي عليه اتبنت الصورة اللي أنت خايفة منها دي، ورجعي كل حاجة لأصلها.. ارجعي بسطي الأمور على نفسك.. ارجعي افتكري ان الدنيا مابتقفش على حد ولا على حاجة.. ارجعي افتكري انه مش في ايديك غير نيتك .. حتى عملك مش في ايديك.. نيتك بس هي اللي في ايدك .. ارجعي ا...
Read more