Daydreams...

عايزة أقعد أكتب للصبح .. كلام كتير ورا بعضه ومالوش علاقة ببعض .. ماتفهمش منه حاجة بس تطلع منه بألف معنى ومعنى... عايزة أسهر على كتاب ومانامش لحد ما يخلص .. أو يقف بيا الزمن ومايرجعش إلا لما أخلص قراية كام كتاب كده... عايزة أجري كتير وأفضل أجري وأجري لحد ماتعب .. لأ لحد ما التعب يخلص .. لحد ما أبطل أحس بأي حاجة... عايزة أكل أكلة حلوة.. غريبة وجديدة ومشبعة .. تكون حادقة ومسكرة في نفس الوقت .. وما تتعبنيش وما تخنيش! عايزة أفضل سهرانة طول الليل والصبح أروح شغلي وأنا فايقة ورايقة .. وأضحك وأهزر وأشتغل بجد... عايزة أضحك على الساعة وأقولها أنا سابقاكي بساعة.. بدل ما كل مرة أبصلها وألقيها بتجري بعيد عني... عايزة أحلم حلم حقيقي .. ولما أصحى أحكيه للناس كلها واستناه يجي تاني، حلم أو حقيقة... عايزة أقابل ناس معرفهاش وأتكلم معاها بالساعات وأكتشف فعلا إني ما أعرفهمش .. ناس غريبة مش شبهي ولا حتى بأي طريقة... عايزة أقعد قدام البحر يوم بحاله .. 24 ساعة يعني .. أشوف الشمس وهي طلعة و أشوفها وهي نازلة وأشوفها وهي بتعاكسني كل ما أبصلها... عايزة أطلع فوق الجبل وألمس ...

في محاولة بائسة للنوم يتقلب كلاهما على جانبيهما مرات عديدة متفرقة دون أن يتلاقا ولو لثواني. وعلى الرغم أن كلاهما يدرك مشاعر الآخر جيدا، لم يحاول أحدا إشراك الآخر في إيجاد حل لهذه الحالة التي وقعوا تحت تأثيرها، حالة القلق وعدم الاستقرار. كلا منهما كان يبحث عن طريقة للهروب بعيدا، ومع ذلك أبا أن يحاولا المشاركة في إيجاد الطريق. حتى أتت اللحظة الحاسمة؛ لحظة الوصول إلى قرار. لم يتمكنا أيضا أن يجتمعوا على قرار واحد، فإحداهما قرر الاستسلام والآخر قرر أن يثور. وهكذا كانت تمر لياليهم، بين اتفاق على الاتجاه واختلاف على الطريق.

كلمتين بقالي كتير عايزة أقولهم دموعي بقالها كتير نفسها تنزل و بتلكك على أي كلمة أو حركة أو حتى مشهد من فيلم عبيط خايفة و مطمنة في نفس الوقت فرحانة قوي بحجات كتير بتحصل حواليا و من جوايا حزن و نكد غريب قاعد مستني اللحظة الي هيطلع فيها أصلي مش فاهمة مع إني مستوعبة كويس جدا كأن نفسي مليانة غضب و حقد بس عقلي كله طيبة و سذاجة بسأل نفسي كتير: هو أنا إيه؟ حلوة يعني ولا وحشة؟ كويسة كده ولا سخيفة؟؟ أنا عن نفسي فخورة بيا و بحياتي و بحمد ربنا ميت مرة بالرغم إني حاسة بزهق و ملل مش مفهوم له أول من أخر محتاجة أركز قوي في شغلي و بجد متحمسة قال إيه لسة مستنية أخد على الجو و المكان الجديد أنا أصلا كل حاجة و عكسها هي دي حياتي و حياتنا كلنا و مالناش غير حل واحد ندعي و نكلم ربنا يا رب …